Kvote på rypejakt sesongen 2020/21
Mange er spente på korleis det står til med rypebestanden i år, tilbakemeldingane så langt er positive. Noko som tyder på ein oppgang i forhald til fjoråret, men det endelege svaret på produksjonen får vi som vanleg fyrst ei stund uti jakta.
Vågå fjellstyre har i sak 31-20 gjort dette vedtaket: Med heimel i fjellova § 23 vedtek fjellstyret for jaktsesongen 2020/21 å nytte ei kvote på 2 liryper/fjellryper pr. jeger pr. dag. Vedtak om dagskvote på 2 ryper blir gjort med bakgrunn i resultat frå takseringar, bruk av treningsfeltet og andre tilbakemeldingar. For dei som løyser korttypen ”døgnkort”, og der jakta skjer over to dagar (datoar), gjeld kvota på 2 ryper for eitt døgn. Opplegget for småviltjakta blir elles som før, jf. vedtaket i sak 10/15.
Vedtaket, med dei faglege vurderingane som ligg til grunn, blir lagt ut under “Fjellstyresaker”. Det blir kortsalg på vanleg måte, kortblokkene blir lagt ut sjå dei lokale kortselgjarane i morgon (9. september), kortsalget på Inatur startar og i morgon (09.09.20), kl. 9.00.
