Det nærmar seg jaktstart,og mange er spent på korleis det står til med rypebestanden. Vågå fjellstyre vil, med god hjelp frå nokre trufaste frivillige, i løpet av ei vekes tid gjennomføre taksering av lirypebestanden på nokre utvalde område. Før vi har dei resultata er det vanskeleg å koma med noko konkrete "spådommar" om korleis hausten vil bli. Vi veit at det har vore eit brukbart smågnagerår i fjellet, så det er lov å håpe på ein oppgang frå i fjor.

Fjellstyra i Vågå, Lom og Luster austre har samarbeidd om å få laga eit fiskekort for statsallmenningane i heile Jotunheimen. Dette er eit fiskekort som gjeld berre for stongfiske, og vil nok fyrst og fremst bli eit turistkort for dei som går i Jotunheimen.

Rypejakt for utanbygds med hund vart trekt mandag den 12. april, kl. 9.00, på fjellstyrekontoret. Det var i år 156 søknadar, som omfatta totalt 319 søkjarar,dei kjempa om 32 ledige kort.Trekningslista med namn på dei som har fått tildelt jakt finn du her.